नेपाल र पेरुबीच कूटनीतिक सम्बन्ध स्थापनाको ५०औँ वार्षिकोत्सव काठमाडौँमा मनाइयो

नेपाल र पेरुबीच कूटनीतिक सम्बन्ध स्थापना भएको ५०औँ वार्षिकोत्सव तथा पेरुको राष्ट्रिय दिवसका अवसरमा शुक्रबार साँझ काठमाडौँमा एक विशेष समारोह आयोजना गरिएको छ। भारत तथा नेपालका लागि पेरुका राजदूत हाभियर पाउलिनिच र काठमाडौँस्थित पेरुका अवैतनिक वाणिज्यदूत सुमितकुमार अग्रवालद्वारा संयुक्त रूपमा आयोजित यस कार्यक्रममा नेपाल सरकारका उच्च अधिकारी र परराष्ट्र मन्त्रालयका प्रतिनिधिहरूको उपस्थिति थियो। 'हिमालयदेखि एन्डिजसम्म' भन्ने नाराका साथ आयोजित यस समारोहले दुई देशबीचको मैत्रीपूर्ण सम्बन्धलाई थप प्रगाढ बनाउने विश्वास लिइएको छ।