कालिकोट जिल्ला पूर्ण खोपयुक्त तथा दिगोपना सुनिश्चित जिल्ला घोषणा

कालिकोट जिल्लालाई आइतबार एक कार्यक्रमका बीच पूर्ण खोपयुक्त तथा खोप दिगोपना सुनिश्चित जिल्ला घोषणा गरिएको छ। जिल्लाका सबै नौवटै स्थानीय तहहरू पूर्ण खोपयुक्त घोषणा भएपछि यो उपलब्धि हासिल भएको हो। स्वास्थ्य सेवा व्यवस्थापक तथा जिल्ला खोप समन्वय समितिका सदस्य सचिव डा. रत्नवीर सुनारका अनुसार जिल्लाले तोकिएका सबै स्वास्थ्य मापदण्डहरू पूरा गरेको छ।