फरेन्सिक विधेयकमा विशेषज्ञको योग्यता र तालिमलाई प्राथमिकता दिन मन्त्री पुनको प्रस्ताव

विज्ञान, प्रविधि तथा नवप्रवर्तनमन्त्री महावीर पुनले फरेन्सिक अनुसन्धानमा दक्ष जनशक्ति र प्रमाणित तालिमलाई प्राथमिकता दिनुपर्नेमा जोड दिएका छन्। सिंहदरबारमा आयोजित शिक्षा, स्वास्थ्य तथा सूचना प्रविधि समितिको बैठकमा बोल्दै उनले प्राविधिक जनशक्तिको अभाव भए अस्थायी व्यवस्थापन गरेर भए पनि योग्य व्यक्तिहरू तयार पार्नुपर्ने प्रस्ताव गरे। मन्त्री पुनले डिजिटल प्रमाणको कानुनी व्यवस्था र फरेन्सिक विशेषज्ञहरूको वृत्तिविकासका लागि आवश्यक कानुनी आधार तयार गर्नुपर्ने बताए।