नक्कली औषधि नियन्त्रणका लागि औषधि व्यवस्था विभागद्वारा ६ बुँदे निर्देशन जारी

नेपाली बजारमा नक्कली तथा कमसल औषधिको बिक्री वितरण बढेपछि औषधि व्यवस्था विभागले औषधि आपूर्ति शृङ्खला व्यवस्थित बनाउन ६ बुँदे निर्देशन जारी गरेको छ। विभागका निमित्त महानिर्देशक शिवानी खड्गीद्वारा जारी गरिएको यो निर्देशन स्वदेशी उत्पादक, पैठारीकर्ता, थोक तथा खुद्रा बिक्रेताहरूका लागि लक्षित छ। बजारमा पारदर्शिता कायम गर्न र जनस्वास्थ्यमा पर्ने गम्भीर जोखिम न्यूनीकरण गर्न यो कदम चालिएको विभागले जनाएको छ।