बर्डफ्लु संक्रमित पन्छी बिक्री नगर्न पशु सेवा विभागको निर्देशन

पशु सेवा विभागले बर्डफ्लु संक्रमित पन्छी तथा पन्छीजन्य उत्पादन बिक्री वितरण नगर्न कडा निर्देशन दिएको छ। विभागले संक्रमित पन्छी बिक्री गरेको पाइएमा प्रचलित कानुन बमोजिम कडा कारबाही गरिने चेतावनी दिएको छ। भाइरसको संक्रमण नियन्त्रण गर्न र जनस्वास्थ्यको सुरक्षाका लागि यो कदम चालिएको हो। विभागले किसान र व्यवसायीहरूलाई पन्छीमा कुनै शंकास्पद लक्षण देखिएमा तुरुन्त जानकारी गराउन समेत आग्रह गरेको छ।