कानुनमन्त्री सोबिता गौतमद्वारा सय दिनको प्रगति विवरण सार्वजनिक

कानुन, न्याय तथा संसदीय मामिलामन्त्री सोबिता गौतमले पदभार ग्रहण गरेको सय दिन पूरा भएको अवसरमा मुख्य कार्यप्रगति विवरण सार्वजनिक गर्नुभएको छ। चैत १३ गतेदेखि हालसम्मको अवधिमा मन्त्रालयले १० वटा नयाँ विधेयक तर्जुमा गर्न सैद्धान्तिक सहमति र १४ वटा विधेयकलाई तर्जुमा सहमति दिएको प्रतिवेदनमा उल्लेख छ। यस अवधिमा मन्त्रालयले २४ वटा नियमावली र २८ वटा विधेयकमा समेत सहमति प्रदान गरेको छ।