निर्माण कार्यमा ढिलासुस्ती गर्ने ठेकेदारलाई कारबाही गर्ने मन्त्री सुनिल लम्सालको चेतावनी

भौतिक पूर्वाधार तथा यातायात मन्त्री सुनिल लम्सालले निर्माण कार्यमा ढिलासुस्ती गर्ने निर्माण व्यवसायीहरूलाई कारबाहीको दायरामा ल्याइने बताउनुभएको छ। मंगलबार राष्ट्रिय सभाको बैठकमा मन्त्रालयगत बजेटमाथि सांसदहरूले उठाएका प्रश्नको जवाफ दिँदै उहाँले सो कुरा बताउनुभएको हो। सरकारको प्राथमिकता व्यवसायीलाई कालोसूचीमा राख्नुभन्दा पनि दबाब दिएर काम सम्पन्न गराउनु रहेको भए तापनि लापरबाही गर्नेमाथि कानुनअनुसार कारबाही हुने उहाँले स्पष्ट पार्नुभयो।