बजार भाउ तत्काल घटाउन उद्योगमन्त्री गौरी कुमारी यादवको निर्देशन

उद्योग, वाणिज्य तथा आपूर्ति मन्त्री गौरी कुमारी यादवले निजी क्षेत्रका प्रतिनिधिहरूलाई बोलाएर तत्काल बजार भाउ घटाउन कडा निर्देशन दिनुभएको छ। सिंहदरबारस्थित मन्त्रालयमा आयोजित बैठकमा मन्त्री यादवले विश्व बजारमा तेलको मूल्य घटिसकेकाले नेपालमा पनि सोही अनुपातमा मूल्य समायोजन हुनुपर्ने बताउनुभयो। छलफलमा नेपाल उद्योग वाणिज्य महासंघ र नेपाल उद्योग परिसंघका प्रतिनिधिहरूको सहभागिता रहेको थियो।