विदेशमा रहेका नेपाली वैज्ञानिकलाई स्वदेश फर्काउने मन्त्री महावीर पुनको प्रतिबद्धता

विज्ञान, प्रविधि तथा नवप्रवर्तनमन्त्री महावीर पुनले नवप्रवर्तनका माध्यमबाट युवाहरूलाई स्वदेशमै क्रियाशील गराई विदेशिने क्रम रोक्न सरकारले नयाँ कार्यक्रमहरू तय गरिरहेको बताउनुभएको छ। राष्ट्रियसभामा विनियोजन विधेयक २०८३ माथि उठेका प्रश्नहरूको जवाफ दिँदै उहाँले अनुसन्धानका लागि उपयुक्त वातावरण बनेमा मात्र प्रतिभा पलायन रोकिने उल्लेख गर्नुभयो। मन्त्री पुनले विदेशमा रहेका नेपाली वैज्ञानिकहरूलाई खोजी गरी स्वदेश फर्काएर मुलुकको विकासमा परिचालन गर्ने प्रतिबद्धता समेत व्यक्त गर्नुभयो।