संसदमा उठेका प्रश्नहरूको जवाफ दिन सरकारलाई सभामुखको निर्देशन

प्रतिनिधिसभाका सभामुख देवराज घिमिरेले संसद बैठकमा सांसदहरूले उठाएका प्रश्न र समसामयिक विषयमा जवाफ दिन सरकारलाई निर्देशन दिनुभएको छ। सांसदहरूले विभिन्न सार्वजनिक सरोकारका विषयमा सरकारको ध्यानाकर्षण गराउँदै जवाफ माग गरेपछि सभामुखले यस्तो रुलिङ गर्नुभएको हो। जनताका प्रतिनिधिले उठाएका जिज्ञासाको समयमै सम्बोधन गरी संसदप्रति उत्तरदायी बन्न सभामुखले सरकारलाई सचेत गराउनुभएको छ।