सुदूरपश्चिम प्रदेशको बजेटविरुद्ध सत्तारुढ नेकपा एमालेले खर्च कटौती प्रस्ताव दर्ता गर्ने

सुदूरपश्चिम प्रदेश सरकारको आगामी आर्थिक वर्षको बजेटप्रति असन्तुष्टि जनाउँदै सत्तारुढ नेकपा एमालेले प्रदेश सभामा खर्च कटौतीको प्रस्ताव दर्ता गर्ने निर्णय गरेको छ। आर्थिक मामिला मन्त्री बिक्रमसिंह धामीले प्रस्तुत गरेको बजेटमा असहमति जनाउँदै एमाले संसदीय दलले यस्तो कदम चाल्ने निर्णय गरेको हो। सामान्यतया विपक्षी दलले ल्याउने यस्तो प्रस्ताव सत्तारुढ दलले नै ल्याउनुलाई प्रदेश राजनीतिमा अर्थपूर्ण रूपमा हेरिएको छ।