सम्पत्ति शुद्धीकरण अनुसन्धान विभागद्वारा जयवीर सिंह देउवालाई सात दिने पुर्जी जारी

सम्पत्ति शुद्धीकरण अनुसन्धान विभागले पूर्व प्रधानमन्त्री शेरबहादुर देउवाका छोरा जयवीर सिंह देउवालाई अनुसन्धानका लागि सात दिनभित्र उपस्थित हुन सार्वजनिक सूचना जारी गरेको छ। सोमबार प्रकाशित सूचना अनुसार उनलाई सम्पत्ति शुद्धीकरण सम्बन्धी मुद्दामा बयानका लागि काठमाडौंस्थित विभागमा बोलाइएको हो। जयवीर नेपाली कांग्रेसका सभापति देउवा र पूर्व परराष्ट्रमन्त्री आरजु राणा देउवाका छोरा हुन्।