तटीय क्षेत्रमा अमेरिकी आक्रमणको इरानद्वारा निन्दा, जवाफी कारबाहीको चेतावनी

इरानले आफ्नो दक्षिणी तटीय क्षेत्रमा रहेका निगरानी तथा अनुगमन केन्द्रहरूमाथि अमेरिकाले गरेको भनिएको आक्रमणको कडा निन्दा गरेको छ। इरानी विदेश मन्त्रालयले बुधबार एक विज्ञप्ति जारी गर्दै उक्त कार्य संयुक्त राष्ट्रसङ्घको बडापत्र र हालैको समझदारीको उल्लङ्घन भएको बताएको छ। तेहरानले यस आक्रमणको जवाफ दिने चेतावनी दिँदै होर्मुज जलसन्धि र तेल बिक्रीमा अमेरिकी अवरोधप्रति समेत आपत्ति जनाएको छ।