काठमाडौं महानगरपालिकाद्वारा अत्याधुनिक खाद्य प्रयोगशालाको उद्घाटन

काठमाडौं महानगरपालिकाले नगरभित्र खाद्य सुरक्षा र गुणस्तर नियन्त्रणलाई प्रभावकारी बनाउन अत्याधुनिक खाद्य प्रयोगशाला सञ्चालनमा ल्याएको छ। महानगरकी कार्यवाहक प्रमुख सुनिता डङ्गोलले बुधबार एक कार्यक्रमका बीच उक्त प्रयोगशालाको उद्घाटन गर्नुभयो। यस प्रयोगशालाले बजारमा उपलब्ध खाद्य सामग्रीको निरीक्षण गरी उपभोक्तालाई स्वच्छ र गुणस्तरीय खाना सुनिश्चित गर्न मद्दत पुर्‍याउने लक्ष्य राखेको छ।