दलाई लामाको जन्मोत्सवमा विदेशी कूटनीतिज्ञको सहभागिताप्रति पूर्व राजदूतहरूको आपत्ति

काठमाडौँको नागार्जुनमा असार २२ गते आयोजित दलाई लामाको जन्मोत्सव कार्यक्रममा विदेशी कूटनीतिज्ञहरूको सहभागितालाई लिएर चीनका लागि सात जना पूर्व नेपाली राजदूतहरूले गम्भीर आपत्ति जनाएका छन्। एक संयुक्त विज्ञप्ति जारी गर्दै उनीहरूले यस्ता गतिविधिले नेपालको 'एक चीन' नीतिप्रतिको प्रतिबद्धता विपरीत हुने र उत्तरी छिमेकीसँगको कूटनीतिक सम्बन्धमा असर पुग्ने बताएका छन्। पूर्व राजदूतहरूले नेपाली भूमिमा यस्ता संवेदनशील कार्यक्रमहरूमा विदेशी कूटनीतिज्ञको उपस्थिति हुनु कूटनीतिक मर्यादा बाहिरको विषय भएको उल्लेख गरेका छन्।