मानवअधिकार आयोगको सिफारिस सच्याउन केपी शर्मा ओलीको निवेदन

नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले राष्ट्रिय मानवअधिकार आयोगको सिफारिस पुनरवलोकन गर्न माग गर्दै निवेदन दिनुभएको छ। एमाले नेता महेश बर्तौलाले बिहीबार आयोगका अध्यक्ष तपबहादुर मगरलाई भेटी २०८२ भदौ २३ र २४ गतेका घटनासम्बन्धी आयोगको निर्णय नम्बर १७७ सच्याउन माग गर्दै निवेदन बुझाउनुभएको हो। उक्त सिफारिस संविधान, प्रचलित कानुन र अन्तर्राष्ट्रिय मान्यताविपरीत रहेको दाबी ओलीको निवेदनमा गरिएको छ।