इलामको सडक र आपूर्ति सहज बनाउन सांसद सुहाङ नेम्वाङद्वारा प्रधानमन्त्रीको ध्यानाकर्षण

अविरल वर्षा र प्राकृतिक विपद्का कारण इलाममा सडक सञ्जाल अवरुद्ध भएपछि सांसद सुहाङ नेम्वाङले सरकारको ध्यानाकर्षण गराएका छन्। उनले प्रधानमन्त्री कार्यालय पुगेर मेची राजमार्गको माइखोला खण्ड र झापा–इलाम फास्ट ट्रयाक लगायतका क्षतिग्रस्त पूर्वाधारको तत्काल मर्मत गर्न माग गरे। सडक र पुल भत्किँदा एम्बुलेन्स तथा खाद्यान्न आपूर्तिमा समस्या परेको भन्दै उनले समाधानका लागि आग्रह गरेका हुन्। प्रधानमन्त्रीको सचिवालयले जिल्लाको आपूर्ति र आवागमन सहज बनाउन आवश्यक पहल गर्ने प्रतिबद्धता जनाएको छ।