यातायात कानुनलाई लगानीकर्ता र यात्रुमैत्री बनाइने मुख्यमन्त्री बानियाँको प्रतिबद्धता

बागमती प्रदेशका मुख्यमन्त्री इन्द्रबहादुर बानियाँले यातायात क्षेत्रका समस्या समाधान गर्न वर्तमान कानुन संशोधन गरी लगानीकर्ता र यात्रुमैत्री बनाउने प्रतिबद्धता जनाउनुभएको छ। मकवानपुरमा आयोजित नारायणी यातायात व्यवसायी सङ्घको ३७औँ वार्षिक साधारणसभालाई सम्बोधन गर्दै उहाँले यस क्षेत्रलाई अनुशासित र मर्यादित बनाउनुपर्नेमा जोड दिनुभयो। मुख्यमन्त्री बानियाँले सवारी चालक र सहचालकहरूलाई सामाजिक सुरक्षा कोषमा आबद्ध गराउन व्यवसायीहरूलाई आग्रह समेत गर्नुभयो।