सडक सुरक्षा र पार्किङ व्यवस्थापनका लागि अधिकारसम्पन्न निकाय आवश्यक: गगन थापा

नेपाली कांग्रेसका महामन्त्री गगन थापाले सडक सुरक्षा, फुटपाथ व्यवस्थापन र पार्किङ समस्याको दीर्घकालीन समाधानका लागि राष्ट्रियस्तरको अधिकारसम्पन्न निकाय गठन गर्नुपर्ने प्रस्ताव गरेका छन्। सानेपामा आयोजित एक कार्यक्रममा बोल्दै उनले काठमाडौँ उपत्यकाको पूर्वाधार व्यवस्थापनमा देखिएका चुनौतीहरू समाधान गर्न यस्तो संयन्त्र आवश्यक रहेको बताए। थापाले सडक पूर्वाधार निर्माण गर्दा पैदलयात्री, ज्येष्ठ नागरिक र अपाङ्गता भएका व्यक्तिहरूको आवश्यकतालाई प्राथमिकता दिनुपर्नेमा जोड दिए।