भारत र न्युजिल्यान्डबीच रणनीतिक साझेदारी घोषणा, व्यापार दोब्बर बनाउने लक्ष्य

भारतीय प्रधानमन्त्री नरेन्द्र मोदी ४० वर्षपछि न्युजिल्यान्डको औपचारिक भ्रमणका लागि शुक्रबार त्यहाँ पुग्नुभएको छ। दुई देशबीच हालै सम्पन्न स्वतन्त्र व्यापार सम्झौतापछि द्विपक्षीय सम्बन्धलाई थप सुदृढ बनाउने उद्देश्यले यो भ्रमण भएको हो। भ्रमणका क्रममा अकल्यान्ड र वेलिङ्गटनमा व्यापार, लगानी र रणनीतिक साझेदारीका विषयमा छलफल हुने बताइएको छ।

भारतीय प्रधानमन्त्री नरेन्द्र मोदी र न्युजिल्यान्डका प्रधानमन्त्री क्रिस्टोफर लक्सनले अकल्यान्डमा भएको ऐतिहासिक भेटवार्ताका क्रममा नयाँ 'रणनीतिक साझेदारी' घोषणा गरेका छन्। दुई देशबीच सन् २०३० सम्ममा द्विपक्षीय व्यापार दोब्बर बनाउने लक्ष्यसहित १० वटा समझदारीपत्र सहित १८ वटा ठूला निर्णयमा हस्ताक्षर भएको छ। यस साझेदारीले रक्षा, सुरक्षा, प्रविधि र कूटनीति जस्ता क्षेत्रमा सहकार्य विस्तार गर्ने लक्ष्य राखेको छ। करिब ४० वर्षपछि भारतीय प्रधानमन्त्रीबाट भएको यो पहिलो औपचारिक न्युजिल्यान्ड भ्रमण हो।