राष्ट्रपति रामचन्द्र पौडेलसँग युएईका वैदेशिक व्यापारमन्त्रीको भेट

संयुक्त अरब इमिरेट्स (युएई) का वैदेशिक व्यापार राज्यमन्त्री डा. थानी बिन अहमद अल जायौदीले शीतल निवासमा राष्ट्रपति रामचन्द्र पौडेलसँग शिष्टाचार भेट गर्नुभएको छ। भेटका क्रममा उहाँहरूबीच नेपाल र युएईबीचको द्विपक्षीय सम्बन्धलाई सुदृढ बनाउने र आर्थिक सहयोग अभिवृद्धि गर्ने विषयमा छलफल भएको थियो। वार्तामा व्यापार विस्तार, लगानीका अवसरहरू र खाडी मुलुकमा रहेका नेपाली श्रमिकहरूको हितका विषयमा केन्द्रित रहेर कुराकानी भएको थियो। राष्ट्रपति पौडेलले आपसी हितका विभिन्न क्षेत्रमा थप सहकार्यको सम्भावना रहेकोमा जोड दिनुभयो।