मैत्रीपूर्ण फुटबल खेल्न राष्ट्रिय टोलीका पूर्वकप्तानहरू सुर्खेतमा

नेपाली राष्ट्रिय फुटबल टोलीका पूर्वकप्तानहरू मैत्रीपूर्ण फुटबल प्रतियोगितामा सहभागी हुन कर्णाली प्रदेशको राजधानी सुर्खेत आइपुगेका छन्। ग्रीनल्याण्ड फुटबल एकेडेमी र ह्युमन राइट्स सोसाइटीको संयुक्त आयोजनामा आज सुर्खेतमा यो खेल सञ्चालन हुँदैछ। प्रतियोगितामा सहभागी हुन एन्फाका पूर्वअध्यक्ष गणेश थापा, पूर्वकप्तानहरू उपेन्द्रमान सिंह र अनिल गुरुङ लगायतका खेलाडीहरू सुर्खेत पुगेका हुन्। यस कार्यक्रमले कर्णाली क्षेत्रमा खेलकुदको प्रवर्द्धन गर्ने लक्ष्य राखेको छ।