सुकुम्वासीको उचित व्यवस्थापन गर्न एमाले महासचिव शंकर पोखरेलको माग

नेकपा एमालेका महासचिव शंकर पोखरेलले सरकारद्वारा विस्थापित गरिएका सुकुम्वासी र अव्यवस्थित बसोबासीहरूको उचित व्यवस्थापन गर्न माग गर्नुभएको छ। सामाजिक सञ्जालमार्फत उहाँले पुनर्स्थापना नगरी बस्ती हटाउनु अमानवीय भएको बताउँदै विस्थापितहरूको पीडा हृदयविदारक रहेको उल्लेख गर्नुभयो। महासचिव पोखरेलले सरकारले आफ्नै होल्डिङ सेन्टरहरू समेत प्रभावकारी रूपमा सञ्चालन गर्न नसकेको भन्दै आलोचना गर्नुभएको छ।