उचित व्यवस्थापन बिना सुकुम्बासी हटाएको विरोधमा माइतीघरमा प्रदर्शन

उचित विकल्प र व्यवस्थापन बिना सुकुम्बासी हटाएको विरोधमा संयुक्त राष्ट्रिय सुकुम्बासी मोर्चाले आइतबार काठमाडौंको माइतीघरमा प्रदर्शन गरेको छ। शनिबार कीर्तिपुरस्थित अस्थायी शिविरमा बाढी पसेपछि विस्थापित परिवार थप मर्कामा परेको भन्दै प्रदर्शनकारीहरूले सरकारको आलोचना गरेका छन्। प्रदर्शनका क्रममा उनीहरूले एक युवा अभियन्ताको पक्राउको समेत विरोध गरेका छन्।