मुख्यमन्त्री पाण्डेद्वारा तनहुँमा चुँदी खोला पुलको उद्घाटन

गण्डकी प्रदेशका मुख्यमन्त्री सुरेन्द्रराज पाण्डेले आइतबार तनहुँमा चुँदी खोलामा निर्मित पुलको उद्घाटन गर्नुभएको छ। भानु नगरपालिका–१ र बन्दीपुर गाउँपालिका–४ जोड्ने यो पुल निर्धारित समयभन्दा सात महिना अगावै सम्पन्न भएको हो। उद्घाटन समारोहलाई सम्बोधन गर्दै मुख्यमन्त्री पाण्डेले विकास आयोजनाहरूमा हुने ढिलासुस्ती स्वीकार्य नहुने र काम समयमै सम्पन्न हुनुपर्नेमा जोड दिनुभयो। यो आयोजना प्रदेश सरकार अन्तर्गतको पूर्वाधार विकास कार्यालय, तनहुँमार्फत निर्माण गरिएको हो।