नक्कली भुटानी शरणार्थी प्रकरण: सजाय निर्धारणका लागि सुनुवाइ भोलिसम्मका लागि स्थगित

नक्कली भुटानी शरणार्थी प्रकरणमा दोषी ठहरिएका व्यक्तिहरूको सजाय निर्धारणका लागि सोमबार तय गरिएको सुनुवाइ भोलिसम्मका लागि स्थगित भएको छ। काठमाडौँ जिल्ला अदालतले सोमबारको सत्र नसकिएपछि यसलाई 'निरन्तर सुनुवाइ' को सूचीमा राखेको हो। यसअघि असार २३ गते न्यायाधीश तेज बहादुर खड्काको इजलासले प्रतिवादीहरूलाई दोषी ठहर गरेको थियो।