सरकारको काम रचनात्मक रहेको ज्ञानेन्द्र शाहीको टिप्पणी, पार्टी अध्यक्षमा उम्मेदवारी दिने घोषणा

राष्ट्रिय प्रजातन्त्र पार्टीका संसदीय दलका नेता ज्ञानबहादुर (ज्ञानेन्द्र) शाहीले सरकारले आफ्नो पहिलो सय दिनमा सुशासनको क्षेत्रमा उल्लेखनीय र रचनात्मक काम गरेको बताउनुभएको छ। रुपन्देहीको भैरहवामा सञ्चारकर्मीहरूसँग कुरा गर्दै उहाँले सरकारको कार्यसम्पादनप्रति सकारात्मक धारणा व्यक्त गर्नुभयो। सोही अवसरमा शाहीले राप्रपाको आगामी महाधिवेशनमा आफूले पार्टी अध्यक्ष पदका लागि उम्मेदवारी दिने घोषणा समेत गर्नुभएको छ।