माइकल ज्याक्सनको बायोपिक १ अर्ब डलर कमाउने विश्वकै पहिलो चलचित्र बन्यो

पप सम्राट माइकल ज्याक्सनको जीवनीमा आधारित चलचित्र 'माइकल' ले विश्वव्यापी बक्स अफिसमा १ अर्ब अमेरिकी डलरभन्दा बढी कमाइ गर्दै नयाँ इतिहास रचेको छ। गत अप्रिल २४ मा प्रदर्शनमा आएको यस चलचित्रले अन्तर्राष्ट्रिय बजारबाट ६२ करोड ९८ लाख र उत्तर अमेरिकी बजारबाट ३७ करोड १८ लाख डलर संकलन गरेको छ। यो सफलतासँगै 'माइकल' १ अर्ब डलरको आँकडा पार गर्ने विश्वकै पहिलो बायोपिक फिल्म बनेको छ। प्रदर्शनको तीन महिना बितिसक्दा पनि यो चलचित्र विभिन्न देशका हलहरूमा सफल रूपमा चलिरहेको छ।