महिलाको चरित्रहत्या र अश्लील सामग्री दुरुपयोग गरेको आरोपमा दुई जना पक्राउ

नेपाल प्रहरीको साइबर ब्युरोले सामाजिक सञ्जालमार्फत महिलाको चरित्रहत्या गरेको र अश्लील सामग्री दुरुपयोग गरेको आरोपमा दुई जनालाई पक्राउ गरेको छ। पक्राउ पर्नेमा भारतको आसामका २६ वर्षीय जावरुल हक र ओखलढुङ्गाका २४ वर्षीय सरोज कार्की रहेका छन्। उनीहरूमाथि पूर्वप्रेमिकाको तस्बिर र भिडियो दुरुपयोग गरी मानसिक तनाव दिएको आरोप छ। काठमाडौँबाट पक्राउ परेका उनीहरूमाथि थप अनुसन्धान भइरहेको प्रहरीले जनाएको छ।