नयाँ नियमावलीको विरोधमा शैक्षिक परामर्श व्यवसायीद्वारा आन्दोलनको घोषणा

काठमाडौंमा शैक्षिक परामर्श व्यवसायीहरूले 'शैक्षिक परामर्श सेवा, भाषा शिक्षण तथा परीक्षा तयारी कक्षा (सञ्चालन तथा व्यवस्थापन) नियमावली, २०८३' का केही प्रावधानप्रति असन्तुष्टि जनाउँदै आन्दोलनको घोषणा गरेका छन्। संयुक्त संघर्ष समितिमार्फत संगठित व्यवसायीहरूले नयाँ नियमावलीका कतिपय बुँदाहरूले व्यवसाय धराशायी बनाउने भन्दै ती प्रावधान खारेज वा संशोधन गर्न माग गरेका छन्। माग पूरा नभए कार्यालयको साँचो शिक्षा, विज्ञान तथा प्रविधि मन्त्रालयलाई बुझाउने र व्यवसाय ठप्प पार्ने उनीहरूले चेतावनी दिएका छन्।