सम्पत्ति जाँचबुझ आयोग विवादमा सर्वोच्चद्वारा एमिकस क्युरी माग

सम्पत्ति जाँचबुझ छानबिन आयोगको क्षेत्राधिकार र जटिल संवैधानिक प्रश्नहरूको निरुपणका लागि सर्वोच्च अदालतले एमिकस क्युरी माग गरेको छ। नेपाल बार एसोसिएसनले यस विषयमा स्वतन्त्र राय दिनका लागि वरिष्ठ अधिवक्ताद्वय कार्की र भट्टराईलाई मनोनयन गरेको छ। आयोगको कानुनी हैसियत र क्षेत्राधिकारका विषयमा परेको निवेदनमाथि सुनुवाइ गर्दै अदालतले विज्ञहरूको सहयोग मागेको हो।