त्रिभुवन विश्वविद्यालयद्वारा भारतका विभिन्न विश्वविद्यालयबाट प्राप्त शैक्षिक उपाधिको समकक्षता रद्द

त्रिभुवन विश्वविद्यालयको पाठ्यक्रम विकास केन्द्रले भारतका विभिन्न विश्वविद्यालयबाट प्राप्त शैक्षिक उपाधिहरूको समकक्षता प्रमाणपत्र रद्द गरेको छ। केन्द्रले बुधबार एक सार्वजनिक सूचना जारी गर्दै मेघालयस्थित सिएमजे युनिभर्सिटी, टेक्नो ग्लोबल युनिभर्सिटी र मणिपुरको सङ्गाई इन्टरनेसनल युनिभर्सिटीका ११ जनाको समकक्षता खारेज गरेको हो। नियम विपरीत शैक्षिक उपाधि लिएको पाइएपछि विश्वविद्यालयले यो कदम चालेको जनाएको छ।