विश्व युवा दक्षता दिवस मनाइयो, 'एक युवा, एक सीप' अवधारणामा जोड

विश्वभर बढ्दो बेरोजगारी र श्रम बजारमा आवश्यक सीपको अभावलाई सम्बोधन गर्न मंगलबार विश्व युवा दक्षता दिवस मनाइएको छ। अभियन्ता सरोज वानियाँले नेपालमा युवाहरूको सामाजिक-आर्थिक अवस्था सुदृढ गर्न 'एक युवा, एक सीप' को अवधारणा अघि बढाउनुपर्नेमा जोड दिनुभयो। संयुक्त राष्ट्रसङ्घले जुलाई १५ लाई युवाहरूलाई प्राविधिक तथा व्यावसायिक सीपले सुसज्जित बनाउने उद्देश्यका साथ यो दिवस घोषणा गरेको हो। सरोकारवालाहरूले स्वदेशमै रोजगारीका अवसरहरू सिर्जना गरी दक्ष जनशक्ति पलायन रोक्न सरकारसँग माग गरेका छन्।