बागमती प्रदेश प्रमुखद्वारा दुई आर्थिक विधेयक प्रमाणीकरण

बागमती प्रदेशका प्रमुख दीपकप्रसाद देवकोटाले प्रदेश सभाबाट पारित भएका दुईवटा आर्थिक विधेयकहरू प्रमाणीकरण गर्नुभएको छ। प्रमाणीकरण गरिएका विधेयकहरूमा विनियोजन विधेयक, २०८३ र प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक, २०८३ रहेका छन्। मकवानपुरमा गत असार २० गते बसेको प्रदेश सभाको बैठकले यी विधेयकहरू पारित गरेको थियो।