नदी किनारबाट हटाइएका सुकुम्बासीका सामान दशरथ रंगशालामा अलपत्र

काठमाडौं उपत्यकाका नदी किनारका सुकुम्बासी बस्ती हटाएपछि विस्थापित भएका परिवारका सामान त्रिपुरेश्वरस्थित दशरथ रंगशालामा अलपत्र अवस्थामा छोडिएको छ। सरकारले गत वैशाखमा डोजर लगाएर बस्ती खाली गराएपछि सुकुम्बासीहरूलाई अस्थायी केन्द्रमा सारिएको थियो, तर उनीहरूका सरसामान भने रंगशालामै थुप्रिएका छन्। खुला आकाशमुनि राखिएका यी सामानहरू उचित व्यवस्थापनको अभावमा कुहिन थालेका छन्।