सार्वजनिक खरिद ऐन संशोधनको नेपाल निर्माण व्यवसायी महासंघद्वारा स्वागत

नेपाल निर्माण व्यवसायी महासंघका अध्यक्ष निकोलस पाण्डेले सार्वजनिक खरिद ऐनको दोस्रो संशोधनप्रति सकारात्मक प्रतिक्रिया दिएका छन्। ललितपुरमा आयोजित एक कार्यक्रममा बोल्दै पाण्डेले न्यून बोलकबोल (लो बिडिङ) निरुत्साहित गर्ने नयाँ व्यवस्थाले आयोजनाको गुणस्तर र निर्माण क्षेत्रको स्थायित्वमा सुधार ल्याउने विश्वास व्यक्त गरे। यस कानुनी परिवर्तनले देशभरका निर्माण व्यवसायीहरूले भोग्दै आएका पुराना समस्याहरू समाधान गर्ने उनले बताए।