'मास्टर्नी' फिल्मको गीतप्रति शिक्षक महासंघ र विद्यार्थी संगठनको आपत्ति

नेपाली चलचित्र 'मास्टर्नी' को प्रवर्द्धनात्मक गीत र भिडियोप्रति नेपाल शिक्षक महासंघ र अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) ले कडा आपत्ति जनाएका छन्। उक्त गीतले शिक्षण पेसाको अपमान गरेको र अश्लील शब्दहरू प्रयोग गरेको भन्दै दुवै संगठनले यसलाई तत्काल प्रतिबन्ध लगाउन माग गरेका छन्। काठमाडौंमा जारी गरिएको विज्ञप्ति मार्फत उनीहरूले सामाजिक सञ्जालबाट उक्त भिडियो हटाउन चेतावनी दिएका हुन्।