कोशी प्रदेशमा मध्यावधि निर्वाचन हुन सक्ने एमाले सचेतक बस्नेतको चेतावनी

नेकपा एमाले कोशी प्रदेशका प्रमुख सचेतक रमेशकुमार बस्नेतले प्रदेश सरकार परिवर्तनको प्रयास भएमा कोशी मध्यावधि निर्वाचनमा जान सक्ने चेतावनी दिएका छन्। ललितपुरको च्यासलस्थित पार्टी मुख्यालयमा आयोजित ब्रिफिङका क्रममा बस्नेतले कोशी प्रदेशको राजनीतिक अवस्था अन्य प्रदेशको तुलनामा जटिल रहेको बताए। मुख्यमन्त्री हिक्मतकुमार कार्कीको विकल्पबारे पार्टीभित्र चर्चा चलिरहेका बेला संघीय सांसद र विभागीय प्रमुखहरूको उपस्थितिमा यस्तो ब्रिफिङ गरिएको हो।