विश्वव्यापी अवरोधपछि फेसबुक र इन्स्टाग्राम सेवा पुनः सुचारु

मेटाका प्रमुख प्लेटफर्महरू फेसबुक र इन्स्टाग्राम आइतबार विश्वभर अवरुद्ध हुँदा लाखौँ प्रयोगकर्ता प्रभावित भएका छन्। नेपालमा दिउँसो साढे १ बजेदेखि करिब डेढ घण्टासम्म यी सामाजिक सञ्जालहरू चलेका थिएनन्। न्युजविकका अनुसार अमेरिकी समयअनुसार बिहानैदेखि सुरु भएको यो प्राविधिक समस्या समाधान भएपछि अहिले सेवा पुनः सुचारु भएको छ।