लगातारको वर्षाले काठमाडौँ उपत्यकाका सडकहरू जलमग्न

लगातारको वर्षाका कारण काठमाडौँ उपत्यकाका विभिन्न सडकहरू जलमग्न भएका छन्, जसले गर्दा सवारी आवागमनमा अवरोध पुगेको छ। काठमाडौँ उपत्यका ट्राफिक प्रहरी कार्यालयका अनुसार ट्राफिक व्यवस्थापन सामान्य रहे पनि सडकमा पानी जम्दा दुर्घटनाको जोखिम बढेको छ। प्रहरी उपरीक्षक नरेशराज सुवेदीले चालकहरूलाई विशेष सतर्कताका साथ सवारी चलाउन आग्रह गर्नुभएको छ। ढल निकासको उचित व्यवस्था नहुँदा सडकहरू डुबानमा परेका हुन्।