नवौँ राष्ट्रिय लोकदोहोरी अवार्डका लागि उत्कृष्ट पाँच मनोनयन सार्वजनिक

राष्ट्रिय लोक तथा दोहोरी गीत प्रतिष्ठान, उपत्यका समन्वय समितिले ‘गरिमा नवौँ राष्ट्रिय लोकदोहोरी अवार्ड, २०८३’ का लागि उत्कृष्ट पाँच मनोनयन सार्वजनिक गरेको छ। प्रतिष्ठानकी केन्द्रीय अध्यक्ष रिता थापामगर र उपत्यका अध्यक्ष प्रसाद लामिछानेको उपस्थितिमा पूर्वअध्यक्ष दुर्गा रायमाझी नेतृत्वको छनोट समितिले मनोनयन टुङ्गो लगाएको हो। विभिन्न विधामा कलाकारहरूको सिर्जना र प्रस्तुतिको आधारमा उत्कृष्ट पाँचको छनोट गरिएको छ। यस अवार्डले नेपाली लोक सङ्गीत क्षेत्रका कलाकारहरूलाई प्रोत्साहन गर्ने लक्ष्य राखेको छ।