कर्णालीका दुर्गम क्षेत्रमा हिमालय आँखा अस्पतालद्वारा ९५३ जनाको निःशुल्क शल्यक्रिया

नेपाल नेत्रज्योति सङ्घद्वारा सञ्चालित हिमालय आँखा अस्पताल पोखराले आर्थिक वर्ष २०८२/८३ मा कर्णाली प्रदेशका दुर्गम जिल्लाहरूमा ९५३ जनाको निःशुल्क आँखाको शल्यक्रिया गरेको छ। अस्पतालको सेवा विस्तार कार्यक्रम अन्तर्गत १७ हजारभन्दा बढी व्यक्तिहरूले आँखा सम्बन्धी विभिन्न सेवाहरू प्राप्त गरेका छन्। भौगोलिक रूपमा विकट र स्वास्थ्य सेवाको पहुँचबाट टाढा रहेका समुदायलाई लक्षित गरी यो सेवा प्रदान गरिएको हो।