नुवाकोटको पहिरो प्रभावित क्षेत्रमा राहतका लागि मन्त्री विक्रम तिमिल्सिनाको पहल

अविरल वर्षाका कारण नुवाकोटका विभिन्न क्षेत्रमा पहिरो र विपद्का घटना बढेपछि सूचना तथा सञ्चारमन्त्री डा. विक्रम तिमिल्सिनाले राहत र पुनःस्थापनाका लागि पहल सुरु गर्नुभएको छ। नुवाकोट क्षेत्र नम्बर १ का सांसद समेत रहनुभएका मन्त्री तिमिल्सिनाले दुप्चेश्वर, सूर्यगढी, तादी र पञ्चकन्या गाउँपालिकाका प्रभावित क्षेत्रमा उद्धार कार्यलाई तीव्रता दिन समन्वय गरिरहनुभएको छ। उहाँले सम्बन्धित निकायहरूलाई तत्काल राहत सामग्री उपलब्ध गराउन निर्देशन दिनुभएको छ।