स्याङ्जामा आर्थिक वर्ष २०८२/८३ मा एक लाख ५५ हजारभन्दा बढी पशुलाई खोप

भेटेरिनरी अस्पताल तथा पशु सेवा कार्यालय स्याङ्जाले आर्थिक वर्ष २०८२/८३ मा एक लाख ५५ हजार ५६ वटा पशुचौपायालाई विभिन्न रोगविरुद्धको खोप लगाएको छ। यस अभियान अन्तर्गत गाई, भैँसी, बाख्रा र बंगुर लगायतका जनावरलाई खोरेत, चरचरे र लम्की–स्किन जस्ता संक्रामक रोगहरू विरुद्ध खोप दिइएको हो। जिल्लामा पशुजन्य रोगको प्रकोप नियन्त्रण गरी किसानको क्षति कम गर्ने उद्देश्यले यो कार्यक्रम सञ्चालन गरिएको थियो।