सेजका उद्योगलाई सात दिनभित्र बक्यौता भाडा तिर्न अन्तिम चेतावनी

विशेष आर्थिक क्षेत्र प्राधिकरण (सेज) ले आफ्नो क्षेत्रभित्र सञ्चालित उद्योगहरूलाई सात दिनभित्र बाँकी बक्यौता भाडा बुझाउन अन्तिम चेतावनी दिएको छ। उद्योग, वाणिज्य तथा आपूर्ति मन्त्री गौरी यादवको निर्देशनपछि प्राधिकरणले तोकिएको समयमा रकम नबुझाउने उद्योगहरूको बिजुली र पानी काट्ने तयारी गरेको हो। वर्षौंदेखि करोडौँ रुपैयाँ भाडा नतिर्ने उद्योगहरूबाट बक्यौता असुली प्रक्रियालाई तीव्र बनाउन यो कदम चालिएको हो।