गोंगबुको होटलमा महिला मृत फेला परेको घटनामा दुई युवक पक्राउ

काठमाडौंको गोंगबुस्थित मित्रनगरमा रहेको होटल माउण्ट एल्भिसमा निशा सुनार मृत फेला परेको घटनामा संलग्न रहेको आरोपमा प्रहरीले दुई युवकलाई पक्राउ गरेको छ। धनगढी स्थायी ठेगाना भएकी २८-३० वर्षीया सुनार साउन ३ गते होटलको चौथो तलामा मृत अवस्थामा भेटिएकी थिइन्। जिल्ला प्रहरी परिसर काठमाडौंका अनुसार बाँके प्रहरीको सहयोगमा ती शंकास्पद व्यक्तिहरूलाई नियन्त्रणमा लिइएको हो। मृतकको शव परीक्षणका लागि त्रिभुवन विश्वविद्यालय शिक्षण अस्पतालमा राखिएको छ।