नेपालको विकासमा रुसको योगदान महत्वपूर्ण छ : वर्षमान पुन

नेपाली कम्युनिष्ट पार्टी (नेकपा) का नेता तथा पूर्व अर्थमन्त्री वर्षमान पुनले नेपालको विकास यात्रामा रुसको महत्वपूर्ण योगदान रहेको बताएका छन्। काठमाडौंस्थित रसियन कल्चर सेन्टरमा आयोजित फोटो प्रदर्शनीको उद्घाटन गर्दै उनले नेपाल र रुसबीचको सात दशक लामो कूटनीतिक सम्बन्ध पारस्परिक सम्मान र मित्रतामा आधारित रहेको उल्लेख गरे। नेपाल र रुसबीच कूटनीतिक सम्बन्ध स्थापना भएको ७०औँ वार्षिकोत्सवको अवसरमा रुसी दूतावासले सो कार्यक्रम आयोजना गरेको हो।