विश्वकप लिग–२: नामिबियाद्वारा नेपाल ८ विकेटले पराजित

नेदरल्याण्ड्सको उट्रेख्टमा जारी आईसीसी पुरुष क्रिकेट विश्वकप लिग-२ अन्तर्गत नामिबियाविरुद्धको खेलमा नेपालले कमजोर ब्याटिङ प्रदर्शन गरेको छ। खेलको ३३औँ ओभर चलिरहँदा नेपालले ५ विकेट गुमाएर ९८ रन मात्र जोड्न सकेको थियो। सुरुवाती १६ ओभरमा ३ विकेट गुमाएर ४० रन मात्र बनाएको नेपालका लागि कप्तान रोहित पौडेलले ३० रन बनाएर इनिङ्स सम्हाल्ने प्रयास गरिरहेका छन्।

नेदरल्यान्ड्सको युट्रेक्टमा मंगलबारदेखि सुरु भएको आईसीसी पुरुष क्रिकेट विश्वकप लिग-२ अन्तर्गतको त्रिकोणात्मक सिरिजको पहिलो खेलमा नेपालले नामिबियालाई १५८ रनको सामान्य लक्ष्य दिएको छ। टस हारेर पहिले ब्याटिङ गरेको नेपालले ४६.५ ओभरमा सबै विकेट गुमाउँदै १५७ रन मात्र बनाउन सक्यो। नेपालका लागि कप्तान रोहित पौडेलले सर्वाधिक ३१ रन र दीपेन्द्र सिंह ऐरीले ३० रन जोडे भने नामिबियाका जेजे स्मितले ६ विकेट लिँदै नेपाली इनिङ्स धराशायी बनाए। नेपालले अब यो खेल जित्न नामिबियालाई १५७ रनमा रोक्नुपर्नेछ।

नेदरल्यान्ड्सको उट्रेख्टमा भएको आईसीसी पुरुष क्रिकेट विश्वकप लिग–२ को पहिलो खेलमा नामिबियाले नेपाललाई ८ विकेटले पराजित गरेको छ। टस हारेर पहिले ब्याटिङ गरेको नेपाल ४६.५ ओभरमा १५७ रनमै अलआउट भएको थियो, जसमा कप्तान रोहित पौडेलले सर्वाधिक ३१ रन बनाए। नामिबियाका जेजे स्मितले ६ विकेट लिएपछि १५८ रनको लक्ष्य पछ्याएको नामिबियाले ३७.३ ओभरमा मात्र २ विकेट गुमाएर जित हासिल गर्‍यो।