विद्युत् खपतमा लगाइएको ५ प्रतिशत भ्याट फिर्ता लिन कुलमान घिसिङको माग

उज्यालो नेपाल पार्टीका अध्यक्ष कुलमान घिसिङले ५० युनिटभन्दा बढी विद्युत् खपत गर्ने उपभोक्तामाथि लगाइएको ५ प्रतिशत मूल्य अभिवृद्धि कर (भ्याट) फिर्ता लिन सरकारसँग माग गरेका छन्। सामाजिक सञ्जालमार्फत घिसिङले निजी शिक्षण संस्था र स्वास्थ्य क्षेत्रमा लगाइएको ३ प्रतिशत समता शुल्क फिर्ता लिने प्रधानमन्त्रीको घोषणाको स्वागत गर्दै बिजुलीमा पनि सोही नीति अपनाउन आग्रह गरेका हुन्। उनले विद्युत् महसुलमा कर छुट दिँदा आम उपभोक्तालाई राहत पुग्ने र आन्तरिक ऊर्जा खपत बढ्ने तर्क गरेका छन्।