आईसीसी विश्वकप लिग २ मा नेपालले आज नामिबियाको सामना गर्दै

आईसीसी पुरुष क्रिकेट विश्वकप लिग २ अन्तर्गत त्रिकोणात्मक शृङ्खलाको पहिलो खेलमा नेपालले आज नामिबियाको सामना गर्दैछ। नेदरल्याण्ड्सको उट्रेचमा हुने यो खेल नेपाली समय अनुसार दिउँसो २:४५ बजे सुरु हुनेछ। यस शृङ्खलामा नेपाल र नामिबियासँगै आयोजक नेदरल्याण्ड्सको पनि सहभागिता रहेको छ। लिग तालिकाको शीर्ष चारमा पर्ने लक्ष्यसहित नेपाली टोली मैदान उत्रन लागेको हो।